Dywedodd Elfed Roberts, prif weithredwr y Eisteddfod, fod angen arian, safle a pobl i sicrhau Eisteddfod lwyddiannus.
Heb safle, meddai, does dim posib cynnal yr wyl. Does dim diben chwilio am Faes heb arian ond yn fwy na dim rhaid cael pobl. I drefnu ac i ymweld.
Hyd yn hyn mae Eisteddfod Caerdydd wedi bod yn hynod llwyddianus, yn denu dros 50,000 o ymwelwyr i'r Maes, llawer ohonynt yn Gymry di-Gymraeg lleol. Mae na rai sydd wedi dod draw i weld be sy'n digwydd ond mae na fwy yn dod draw am reswm. Maent wedi mynd ati i ddysgu'r iaith neu mae ganddynt berthyn neu gyfaill sy'n cystadlu neu cymeryd rhan.
Rydym wedi dod dipyn o ffordd mewn byr amser. Dwi'n cofio gofio i lanc ifanc yn ardal Bute be oedd yn mynd ymlaen yng Nghanolfan y Mileniwm yn ystod Eisteddfod yr Urdd yn 2005. "Dunno," meddai, yn cymeryd drag ar ei smoc, "symmin Welsh innit."
Er fod elfen o hynny'n parhau mae'r bobl rwyf wedi siared a hwy yng nghanol y ddinas yn gwybod mwy am yr Wyl hon.
Ond mae na fobl ddiddorol eraill hefyd.Dyna chi Gabriel Restucha. Maer tref y Gaiman. Tref Gymreica y Wladfa. Daw ei enw o dras Eidalaidd ond mae gwreiddiau ei deulu yn ddwn yng nghymoedd y De ac yn ysblander Meirionydd. Er nad oedd Cymraeg ar ei aelwyd cymerodd ddiddordeb yn yr iaith ac bellach mae'n rhugl. Mae'n codi cywilydd ar nifer o gynghorwyr sy'n credu mai ond yn Seasneg gallent gyflwyno pwyntiau pwysig yn y siambr. Yn wir mae Gabriel yn codi cywilydd ar nifer fawr of Gymry Cymraeg gyda glowder ei iaith.
Mae draw yng Ngaerdydd i annerch cydeithas Cymru-Ariannin dydd Iau. Gwerth fynd draw i babell y cymdeithasau i'w glywed.
Cymeriad arall yw T Elwyn Griffiths, Caernarfon. Mae ganddo record anhygoel. Ers 60 o flynyddoedd dydio ddim wedi colli'r un Eisteddfod. Yn fwy na hynny mae wedi bod ar Faes y Brifwyl bod dydd. Ewadd.
Ac yn dilyn y stori ddoe bod banc lleol wedi anghofio rhoi pres yn y peiriant twll yn y wal cefais wybod fod rhywn wedi anghofio sicrhau cyflenwad dwr i babell Eglwys y Bedyddwyr mewn prifwyl flaenorol ac yn fwy diweddar bod y cyflenwad trydan wedi methu ym mhabell cwmni sy'n cynhyrchu trydan gyda melinau gwyn.
